karung panahona nga tinggutom, magsigeg sipok ang akong ulo. mubo akong pasensya ug sigeg mag-alingasa, manggawas ang mga problema, mga kaligutgut ug mga nakalimtan na untang kayugot.

wa koy kwarta. wa koy kwarta, dili para sa unsa. wa koy kwarta para ipalit lang man og noodles.kinsay dili makapameste aning kinabuhi. nganong wala koy kwarta? una, gamay ra gyud ang akong ginadawat kada bulan, wa siguro katunga sa minimum wage kada adlaw. nganong di man pud daw ko mangitag laing trabaho? ayaw na lang kog pangutan-a.  kay dili na solusyon nga mangita kog laing trabaho. mao to gamay gyud. basta automatic na, ingon aning mga adlawa, mga katapusan sa bulan, sa giingon pa, hapdus gyud akong kuto-kuto. nakahinumdum ko, nigasto man gud kog mga 600 pud, akong gipadevelop ang mga litrato sa igsoon nako nga gikasal tungod kay sa tan-aw nako, importante kaayo tong okasyona- murag highlight sa among kinabuhi ba. kabalo na ka, gamay ra kaayo to nga kalipay sa kinabuhing giupy-an sa pamilya nga tan-aw nako halos nabulit og kamiserable. mao nang akong huna-huna, nindot jud naay handumanan sa among kalipay, para bulahan, naa mi lantaw-lantawon ug usab, basun na lang kami makaingon nga, "sus no, naa man pud diay mi gamayng kalipay?" mao to siya akong tan-aw nga siguro kung wala nako to gastoa ang 600, basin sa pagkakarun, nakapalit-palit lang ko gamay og makaon. pero sa tinuod lang kapoy na kaayog kaon ug noodles ug sardinas ba. ingon aning mga higayona, nga murag gusto kong moundang aning tan-aw siguro sa uban, "dakong kabuang;mag-antos sa kinabuhing halos walay sweldo." pero sa gikaingon ko na, dili sulbad ang mogawas diri ug mangitag laing trabaho. mao tong,kung huna-hunaon, dili gyud nako dapat mahayon ang akong kaugalingon nganong gigasto nako tong P600. kumbaga,mura gud og budget sa pamilya. dapat unta naay budget kung naay magsakit-sakit sa pamilya. pareha ra pud na anang istoryaha, naa pud kay budget sa gamayng kalipay... hahaaay.

bisan unsaon gyud nko nag stretch akong ginadawat kada bulan, dili jud na siya kaigo. siguro kung naa koy kusina ug gamay pridyeder, basin moinat lang sya gamay. arang-arang tingali gamay.makaluto kog pagkaon, nga medyo malipay pud ta tungod kay dili lang man unya pirmi na lang kog kaon og delata. dayon siguro makaluto pud kog utan. hahaaay...

kinabuhing pobre.