Mabuang ko sa Kahumot sa Akong Buhok!

Human na kog ad-ad sa ahos nga pirting daghana
ug ako na sad nga nabutang sa botelya
Sukang gikan sa tubo
at least, i have something to look forward to
ugma, puhon, sa akong pagkaon og bulad nga tabagak
akong gihandom ang suka nga sa kalami, ako makaiyagak
apan sa dihang gisimhot ko ang akong kamot
nagpabilin ang baho nga pirting langtuha
dili makuha bisag unsaog hugas
busa tungod niini, nakahuna-huna na lang kog panglaba
basin uroy diha sa akong pagkuso-kuso sa tide, wings ug uban pa
mawala ang baho sa akong mga kamot
mahinlo na sab ang akong mga sinina
labadami, labango, kanta-kanta mao na lay kalipay nako
ug sa dihang nahuman na
i think it's time to take a bath
didto pa ko nakahinumdum
nga naa diay koy shampoo nga humot
Herbal daw, gisagulan og rosemary and sage
naa pa gyud pud diay koy sabon
nga bisag baratuhon
apple with chamomille man pud daw say nakabutang
kalami sa tubig sa dabaw
dili jud ka matagbaw
ang kalami sa tubig ug kahumot sa akong buhok
dinha na lamang akong gamayng kalipay akong gibuyok
kay taud-taud, molakaw na sab ko
magsakay og jeep, makigguot, magsingot-singot ug mag-abog abog
kay ani man gyud daw ang kinabuhi
way katuposang kamas
busa kailangan gyud ka og gamayng mga lamas
 

-August 2007


Ang misteryo sa Duryan

Ang misteryo sa Duryan
naa daw sa iyang mga pungango.

Pilion daw ang tul-id nga pungango ug porma nga bugdo,
Para tam-is daw ug undanon.

Kabaho nga murag impyerno,  
Kalami nga murag langit!

Dili pupoon, patagakon.
Hinay-hinayon, tilap-tilapon,
Mas matilawan daw nimo kung mata piyongon.

Kuydaw, ayawg palabii – mamatay ka!

Kauna, nga wala ka nag-inusara,
naay kahagikhik, kaistorya kakatawa.

Sulayi ra kining misteryoha.
Makalimot ka sa imong ngalan…
kalami nga walay ngalan!

Haaay na lang, ang misteryo sa Duryan!

-August 23, 2007
Naghudyaka taliwala sa Kadayawan


Total Eclipse Didto Sa Lapyahan

Lapus ang kahayag sa adlaw ngadto sa bulan nga natungod sa kalibutan niadtong gabhiuna.
Eklipse kini, kung tawagon pa
Ang bulan nagsilaab, nagpula
Matud pa sa mga katigulangan
Niining aktuha, gitukob kuno sa bakunawa ang bulan
Samtang kami didto sa may lapyahan
Nagpauraray ilalum sa takdul nga himaya.

Daan pa lagi!
Ang mga gapnod nga naglutaw-lutaw
walay laing ulian
modunggo gyud sya usa ka adlaw ngadto sa lapyahan!


-Three Days after Eclipse
August 31, 2007